O concello de Mazaricos está organizando distintas actividades durante este nadal. Este sábado, 17 de decembro, desde as 17:00h terá lugar o Festival de Música de Nadal da escola de música moderna do concello, na Casa da Cultura.
O domingo 18 de decembro, a escritora Natalia Lema Otero presenta o libro “Baos” na Casa da Cultura.As 17:00h.Ao día seguinte os nenos de primaria e secundaria gravarán unha cuña radiofónica nas instalación da Cadena Ser en Cee.
Outra das actividades que se vai desenvolver é o Nadal Lúdico entre o 22 e o 30 de decembro e entre o 2 e o 5 de xaneiro. De 9:30h a 14:00 na Casa da Cultura.
O venres 23 de decembro(Casa da Cultura, 17:00h) celébrase o “Nadal de vila en vila”. Unha actividade dirixida a nenos e nenas (a partir de 4 anos) na que adquirirán coñecementos da tradición musical galega das festas do Nadal, coa interpretación de panxoliñas, xaneiras, aninovos, cantares de reis, aguinaldos etc. da man dos coñecidos músicos Uxía e Santi Cribeiro.
O 24 e 31 de decembro disputarase o Torneo interparroquial de fútbol sala, organizado polo Mazaricos C.F.O 26, 27 ,28 e 29 de decembro haberá sesión de cine na Casa da Cultura, desde as 17:00h, coas proxeccións de “Zootrópolis”, “El Libro de la Selva”, “Kung Fu Panda 3” e “En el fondo del mar”.
Xa no treito final do ano haberá dúas das actividades a priori máis importantes. A Gala MZ(Venres 30 desde as 21:45h na Casa da Cultura) e a Carreira do Leite e o II Brinde leiteiro na praza da feira da Picota.O xoves 5 de xaneiro, os Reis Magos, Melchor, Gaspar e Baltasar chegarán ao concello en cabalo para repartir os seus agasallos.
Sairán ás 4 da tarde do Campo da Feira da Picota, continuarán pola avda. 13 de abril ata a estrada de Godón. Dende alí collerán por diante do Centro de Saúde ata a Casa de Cultura. Alí entregaranlle os regalos a tódolos nenos e nenas. E para rematar unha estupenda chocolatada.
