//A asociación de empresarios desenvolve unha campaña de promoción do comercio local co sorteo de 1.000 costavales e 20 CESTAS//
Un ano máis chega o concurso de escaparates no Nadal que organiza a axencia de desenvolvemento local e emprego do concello de Santa Comba en colaboración coa asociación de empresarios.
Hai tres premios para os primeiros clasificados dotados con 500, 300 e 150 euros respectivamente, coas correspondentes placas conmemorativas para todos os finalistas.
O prazo de inscrición remata o luns 26 de decembro, e desde esa data e ata o 6 de xaneiro de 2017, os escaparates deberán estar invariables. O ano pasado o escaparate gañador foi o de Fotos Teca. Tamén resultaron premiados “Zapatería Pisotones” e “Noivas Sole Mouro”.
Os establecementos interesados en participar poden anotarse n a oficina de orientación laboral (Multiusos), biblioteca(Casa da Cultura), oficina de desenvolvemento local(Concello), ou na sede da asociación de empresarios de Santa Comba(Rúa Pontevedra, 9).
Merca en Santa Comba
A asociación de empresarios de Santa Comba, que preside Teresa Castro, está desenvolvendo a campaña de promoción do comercio“Merca no teu pobo, aquí regalamos ilusión”, para fidelizar as compras na capital xalleira.Coas compras nos establecemento adheridos a entidade patronal, os clientes recibirán rifas para dous sorteos. Un de 20 cestas de Nadal que se celebrará o 16 de decembro e outro de 1.000 costavales que terá lugar o 9 de xaneiro de 2017.
Nesta iniciativa colaboran Ingeniería comercial agroganadera Rodríguez, SL selección, Talleres Bermúdez, Cenor, Ferrocar, Comercial Espaher, Electrodomésticos Milar Sampedro e a Deputación da Coruña.
