//O conselleiro reitera o que anunciou aos representantes do comité de empresa//
O conselleiro de Economía, Emprego e Industria,Francisco Conde, mantivo un encontro cos portavoces do Partido Popular nos municipios de Cee, Camariñas, Corcubión, Dumbría, Muxía, Zas, Fisterra e Vimianzo e ao que tamén asistiron o presidente provincial Diego Calvo Pouso, o portavoz do PPdeG, Miguel Tellado, o secretario de Organización e Territorio, Evaristo Ben, o director xeral de Enerxía e Minas, Ángel Bernardo Tahoces e o delegado territorial da Xunta de Galicia na Coruña, Ovidio Rodeiro.
Francisco Conde, que este mesmo luns entrevistouse co Comité de empresa, informou aos dirixentes populares sobre a problemática de Ferroatlántica, e a intención da Xunta de “crear unha fronte común contra a venda dos activos que Ferroatlántica ten na comarca da Costa da Morte”. Lembrou a proposición non de lei aprobada recentemente no Parlamento de Galicia e a oposición que “ten o executivo galego de non segregar a actividade da compañía”.
Os portavoces populares na Costa da Morte insistiron na “importante repercusión económica” de Ferroatlántica na zona e na necesidade de facer “todos os esforzos posibles” para lograr a súa continuidade. Sinalaron que o seu interese por este tema “non vén de agora” e nunha nota de prensa lembran a reunión que mantivo a portavoz do PP de Cee, Zaira Rodríguez e o deputado autonómico Aurelio Núñez Centeno cos traballadores ou tamén o encontro celebrado co comité de empresa a semana pasada.