/Pleno este vernes na casa consistorial// Festa en Santa Catalina// Teatro con Isabel Blanco e Sabela Hermida//
O próximo venres 25 de novembro a corporación local de Santa Comba celebra o último pleno ordinario do presente ano. A sesión celebrarase no salón de plenos da casa consistorial e comezará ás oito e media da noite. A convocatoria non ten asuntos de calado, aínda que neste concello os debates adoitan ser bastante animados e non exentos de polémica
Moi preto das dependencias municipais e ás 9 da noite do mesmo venres, a comisión de festas dos Milagres de Santa Catalina, organiza unha festa en honra á súa patroa cunha churrascada amenizada polo trío Elite.
E o sábado, desde as dez da noite, o auditorio do multiusos acolle unha nova cita do II ciclo de Teatro que organiza o departamento de cultura xalleiro a cargo de Teatro Proscrito coa representación de “Habemus mama”, obra na que participa a xalleira Isabel Blanco e Sabela Hermida.O ciclo termina o luns coa función “Roedores” a cargo de Redrum teatro, que se escenificará desde as 11 da mañá. Á sesión acudirán escolares de Santa Comba e Mazaricos.
Este xoves desde a 11 da mañá o C.E.I.P. Barrié da Maza acolle o obradoiro “O xogo non ten xénero? con motivo do “Día dá non violencia contra a muller”, convocado polo CIM xalleiro. Tamén este xoves péchase o prazo para participar na XXIX liga de fútbol sala municipal. Máis información na Oficina municipal de deportes 981103034.