//Descártase unha moción de censura// Discrepancias internas causan a marcha de dous concelleiros de IxCee//
Está por confirmar se se trata dun toque de atención ou unha ruptura definitiva. O que queda fora de toda dúbida é o malestar que hai no goberno dos Independentes por Cee, ata o punto de que dous concelleiros decidiran pasarse ao grupo dos non adscritos ainda que segundo informa El Correo Gallego coa intención de seguir no goberno de Ramón Vigo.
O primeiro teniente de alcalde e fiel colaborador de Ramón Vigo Sambade desde o inicios de Independentes por Cee, Juan Bautista Areas Lestón, e a concelleira de cultura, Yolanda García Leal tomaron a decisión de abandonar o partido froito das discrepancias coa concelleira Pilar Iglesias.Esta circunstancia destapou a sombra dunha moción de censura, que é a todas luces inviable, pola propia lei antitransfuguismo, e porque varios dos posibles actores implicados xa aseguraron que non participarían nunha acción dese tipo.
Se non hai sorpresas, e a falta de ver como quedara o goberno, o mapa político do concello de Cee segue complicándose. O Partido Popular mantense con catro concelleiros, IxCee quedaría con tres, e Ciudadanos, BNG e PSOE continúan cun representante cada un. O PSOE sufriu a perda dunha acta xa que o edil Modesto Rivas pasouse aos non adscritos, un grupo no que tamén estarán Areas Lestón e García Leal. Agora hai que saber se dentro ou fora do goberno de Ramón Vigo que incrementa a súa debilidade no pleno.