O novo alcalde de Santa Comba, José Antonio Ucha (PSOE) marca como prioridade os servizos sociais. Recollemos as súas primeiras declaracións e publicamos unha galería de fotos da sesión de investidura deste 13 de xuño. Ucha estará o vindeiro luns 15 de xuño no programa Na Encrucillada de Radio Xallas 107.5 FM desde as 13:00h.
Ucha: “A honradez vai a ser o meu programa”
As primeiras palabras de José Antonio Ucha como alcalde de Santa Comba serviron para marcar a dirección do goberno socialista que acaba de ser elixido:”O noso eixo fundamental serán os servizos sociais, a igualdade do home e a muller e a protección dos nosos mozos e dos nosos maiores”.
José Antonio Ucha Velo aludiu a necesidade de crear emprego para tamén asegurou que o concello “necesita honradez e transparencia. E a honradez vai ser o meu programa”.
“O que nos une é o progreso de Santa Comba”
O novo alcalde de Santa Comba quixo agradecer a confianza dos seus votantes e colaboradores:”Non vou defraudar ós que nos votaron e vou a facerme merecedor da confianza dos que non me votaron”.
José Antonio Ucha prometeu “traballar arreo” e pediu a colaboración dos veciños e tamén dos distintos grupos políticos porque “por riba das cores políticas están os veciños e o que nos une é o progreso de Santa Comba”.
María Pose deséxalle sorte a Ucha
Nesta sesión Ucha Velo convidou a intervir a alcaldesa saínte María Pose que espera que o rexedor socialista “polo ben do pobo de Santa Comba goberne dunha forma correcta”. Pose agradeceu ós veciños polo tempo que compartiu con eles na alcaldía e desexoulle sortea o novo mandatario