O candidato do Partido Popular a alcaldía de Mazaricos, Nico Martínez pediu o apoio dos veciños para desenvovler o seu proxecto, lembrando que o PP é a forza preferida no concello e que a outra opción é “O BNG que gobernou Mazaricos durante catro anos e non os quixeron e todos sabemos o porqué”.
“Fixéronse cousas pero poden facerse moitas máis” asegurou Nico Martínez que non se plantexa outro resultado que unha maioría absoluta:”Despois de vinte anos gobernando o o único que nos plantexamos e unha maioría absoluta”.
Sobre o debate veciñal frustrado, Martínez Almallo, que sí participou noutro debate en Radio Nordés, manifestou que el pretendía un debate para tódolos veciños:”Non se pode facer un debate para os do Bloque e para os de Coiro en concreto.Un debate ten que ser para todos, non para o Bloque que nos faga unha encerrona.”.
Un programa con cen propostas
O Partido Popular de Mazaricos presentou un programa electoral con cen propostas, no que ten moita relevancia o sector agrogandeiro. Pretenden crear unha oficina técnica de asesoramento e unha asociación de gandeiros, unha deshidratadora semimunicipal de forraxe, e unha cuadrilla de obras rotatoria, na que os inscritos terían quendas de traballo por rigurosa orde, fomentando así a transparencia nas contratacións.
Segundo Nico Martínez hai que “aproveitar o potencial enorme do camiño xacobeo” xestionar os servizos de radioloxía e de gardas farmaceúticas. rutas de senderismo,construir un ximnasio municipal , rehabilitar a contorna da Pontenova e ofertar solo industrial para atraer emprego.