O candidato do Partido Popular a alcaldía de Muxía márcase como obxetivo recuperar o electorado que votou en anteriores eleccions municipais ao Partido Popular.
Manuel Fandiño está convencido que “a opción está no Partido Popular” e pensa que “despois de oito anos onde non houbo investimentos e todo se vai en gasto corrente” hai que facer un esforzo “por cambiar as cousas no goberno local”.
O candidato popular ten “a ilusión de volver a mobilizar ese electorado que tivo o PP e co que lle dou un cambio total ao concello de Muxía”. Para Manuel Fandiño é fundamental “buscar financiamento e loitar nas administración para que haxa investimentos en Muxía”.
Lamenta as deficiencias na rede viaria municipal, a falta de servizos e, por exemplo o mal estado do campo de fútbol de Arliña “que necesita un arranxo e céspede artifical”. O candidato pensa que “así imos por un camiño totalmente equivocado onde o señor alcalde (Félix Porto) está mantendo as infraestruturas que encontrou cando o PP deixou o poder”.
Outro dos asuntos que preocupa no Partido Popular de Muxía é o Plan Xeral.”O alcalde rexeitou e mobilizou a xente contra o Plan Xeral do PP porque dicía que era nefasto. E oito anos mais tarde saca o mesmo plan pero con recurtes e restándolle capacidade para medrar a Muxía”.Para Fandiño o alcalde socialista Féxlix Porto “enganou a medio pobo”.