O Bloque Nacionalista Galego considera “un auténtico escándalo” que o concello de Coristanco, teña que aboar as facturas do alcalde, Antonio Pensado.
A voceiro municipal do BNG de Coristanco, Laura Mariño Tasende anunciou que vai a presentar unha moción para que o alcalde explique as facturas presentadas en concepto de comidas súas, e que en aproximadamente dous meses, suman a cantidade de 900 euros.
Os nacionalistas van pedir tamén que o rexedor devolva eses importes as arcas municipais e “que sexa o alcalde o que aboe as facturas do seu peto”, porque consideran “dificílmente xustificable que o concello teña que asumir” eses importes.Ademáis informan que tódalas facturas oscilan entre os 70 e os 100 euros, e proceden dun mesmo establecemento hosteleiro da capital municipal.
Piden ao alcalde que desminta os rumores
O BNG de Coristanco pídelle ao alcalde , Antonio Pensado Plágaro(PP), que desminta uns rumores que supostamente circulan polo concello e que segundo os nacionalistas “apuntan a que estas comidas nunca se produciron, senón que se trata dunha fórmula pactada para silenciar posibles novas denuncias en materia urbanística”.