Santiago Corzón pensa que Compromiso por Galicia é a alternativa a un goberno do PP e a unha oposición que en Mazaricos non demostrou ter interese polos veciños.
É un das novidades electorais na comarca do Xallas. A formación que lidera Xoán Bascuas ten a súa agrupación no concello de Mazaricos.O seu candidato, Santiago Corzón, explicou no programa “Na Encrucillada” de Radio Xallas (107.5 FM) e Fórmula Fun Bergantiños(91.9FM) os detalles desta candidatura.
“Quixemos facer un frente común coa oposición”
Segundo Corzón primeiro houbo un intento infructuoso de unir as forzas da oposición: “Quixemos facer un frente común cos grupos da oposición pero as pretensións non eran as mesmas”. Ante esta situación decidiron “tirar para adiante” sen deixar de criticar o panorama político existente en Mazaricos: “O PP e os demáis grupos non teñen interese polo concello ou teñen intereses distintos ós dos veciños”.
O candidato de Compromiso por Galicia, elixido entre o grupo que impulsou esta alternativa política, pensa que hai que cambiar moitas cousas neste municipio:“Preocúpanos a corrupción, somos o concello con máis imputados, o tecido industrial está abandonado e os servizos municipais son inexistentes”.
Santiago Corzón é optimista nas posibilidades electorais:“Aspiramos a gobernar en maioría”. Pero tamén nas posibilidades do concello:”O noso concello ten os recursos necesarios para estar mellor do que está”.
O candidato galeguista ten claro que “o concello debe de estar ao servizo dos veciños e non de intereses particulares” e lamentou que no concello “non se contratan empresas do concello a pesares que temos xente cualificada”