O secretario xeral de Converxencia Galega, Xan García Pouso ofreceu as súas sensacións electorais nos distintos concellos de Xallas, Bergantiños, Soneira, Fisterra, e Carnota e Muros.
Xan García aceptou o reto que lle plantexaron no programa “Na Encrucillada” de Fórmula Fun Bergantiños(91.9FM) e Radio Xallas(107.5FM). E fixo unha previsión electoral concello a concello. García deixou claro que son pronósticos a día de hoxe e que hai moitas variables por despexar pero sen dúbida que aporta liñas importantes, desde o punto de vista deste veterano dirixente político que foi concelleiro en Vimianzo e Fisterra e secretario da entidade comarcal Neria durante dúas décadas.
Terra de Soneira
Zas:”Maioría absoluta para Manuel Muiño”
En Zas gana o BNG, porque Manuel Muiño fixo unha política moi intelixente indo de vítima porque a xente non tragaba a Pedro Osende(PP). Penso que o Bloque arrasa senón se confía.
Camariñas:”Maioría absoluta para Pichurri”
En Camariñas arrasa Pichurri (PSOE). O actual candidato do PP, (Mauro Aufiero) é unha boa persona, seria, rigurosa e sería un bo alcalde. Pero Pichurri é un animal político e Mauro non está bregado e ten un sector do partido en contra. Iso que a vella garda do PSOE de Camariñas non está co alcalde pero se ven perigar o poder mobilízanse polo partido.
Vimianzo:”Antelo Pazos, o máis votado”
A lista máis votada vai ser a de Manuel Antelo (BNG). Vai quitar cinco concelleiros seguro. Pero o resto e moi difícil porque non coñecemos ó candidato do PSOE, nin o PP que parece ser que é “un mirlo branco”. E tampouco sabemos se se presenta IxV e Converxencia Galega. Pero ganará o Bloque. O PP pensa que vai ser o mais votado pero creo que é unha estratexia equivocada.
Terra de Xallas
Santa Comba:”Baixa o PP. Coidado con Ucha”
O PP non vai a manter os votos que ten. Vexo un PP dividido e débil ainda que estamos nun concello conservador. Coidado con Ucha e con Terra Galega se é que cambia de candidato.Auguro un goberno de coalición cun PP débil.
Mazaricos:”Se se implica gana Santos Maneiro”
Está claro que se se implica ganará Santos Maneiro pero terá que fiar fino dependendo de quen teña en frente. E creo que os independentes (PIMAZ) baixarán se volven a presentarse.
Bergantiños
Carballo-“Gana Evencio e sube o PP”
As eleccións penso que as gana Evencio pero non creo que quite maioría absoluta. O PP ten un bo candidato (Miguel Ferreiro) pero non sei se chegou no momento oportuno. O PSOE manterá o seu concelleiro e Terra Galega baixará en beneficio do PP que terá unha lixeira subida.
A Laracha- “Maioría absoluta do PP”
López Varela sacará unha maioría absoluta aínda que podería baixar algo dependendo de quén presente o Bloque.
Coristanco: “Antonio Pensado perde a maioría”
Penso que o líder de Terra Galega (Amancio Lavandeira), é unha persona honesta e traballadora e que soubo lidera a oposición. Estou convencido de que o PP vai a perder a maioría absoluta. Hai sectores vinculados ao PP que queren cargarse ao actual alcalde e que poderían quedar na casa o apoiar a Terra Galega.
Malpica:”Maioría absoluta para Eduardo Parga”
Estou convencido que vai a sacar maioría absoluta o actual alcalde. Eduardo Parga e un señor serio, formal, traballador e un bo xestor.
Laxe: “Maioría de esquerda PSOE-BNG”
Non sabemos cales son os candidatos pero pola propia estrutura penso que o PSOE vai a ser a lista máis votada aínda que o PSOE está dividido. Haberá unha maioría de esquerdas PSOE-BNG.
Ponteceso- “Fondo pode manterse con desgaste”
Gana o actual alcalde e creo que vai manter a maioría aínda que está sufrindo desgaste. Podería perder a maioría absoluta por moi pouco pero penso que a conserva.
Cabana- Arrasa Muiño senón xurde unha nova alternativa
Agora mesmo está claro que gana o PP con Muiño a fronte. Pero se xurde un grupo de independentes ou mesmo de Converxencia Galega, con empresarios ou cun grupo de xóvenes coidado que poderían quitar tres concelleiros. A día de hoxe arrasaría Muiño que fixo unha boa laboura, aínda que hai enfrontamentos no PP.
Comarca de Fisterra
Dumbría: Pequeño ainda sube máis
De once concelleiros, José Manuel Pequeño (PSOE) terá dez e o PP un.
Cee: Ramón Vigo gana e Converxencia será a sorpresa.
Penso que o candidato máis votado será Ramón Vigo (IXSC) pero vai a baixar. O PSOE ten base social pero está dividido en tres grupos. E moi difícil. Converxencia Galega pode ser a sorpresa en Cee e distorsionar o resultado histórico electoral. O goberno de Cee é un mal goberno e a alcaldesa non vai a ter máis concelleiros.
Muxía- Félix Porto aumenta o seu dominio
Vai arrasar Félix Porto(PSOE) aumentando a súa representación, baixando o PP e incluso o BNG podería perder a súa acta.
Corcubión- “Pode quedar todo igual”
E posible que se repitan as cousas. Se se presenta Chisco (PSOE) será o máis votado. Ao mellor o Partido Autónomo podería sacar un concelleiro, dependendo quén se presente polos outros partidos.
Fisterra- Traba perde a maioría absoluta
O PP e o alcalde están moi tocados e divididos pero José (Traba) é unha persona afortunada porque ten unha oposición débil. Está todo moi aberto. E tamén se se presenta Converxencia Galega pode sacar un ou dous e trastocar todo. En Fisterra se o PP está unido é invencible. Pero está nos peores momentos da súa historia. Neste momentos dudo que José Traba sexa capaz de unificar o PP en Fisterra. Penso que vai perder a maioría absoluta.
Carnota e Muros
Carnota- Victoria de Noceda
Dame a sensación que o PSOE vai perder un concelleiro en favor do BNG que vai a ser a lista máis votada.
Muros-Gana o PSOE
Vai ganar a actual alcaldesa do PSOE, pero coidado co PP e con Inés Monteagudo que pensó que vai subir. A clave está no voto do BNG e no de Compromiso por Galicia.
