O alcalde de Carballo, Evencio Ferrero declarou no programa “Na Encrucillada” de Fórmula Fun Bergantiños (91.9FM) que volverá a suspender o pleno se se repiten os feitos porque “non se pode convertir o pleno nun manifestódromo” e as sesións “non son para interrumpir dunha maneira ostentosa”.
En relación as críticas de veciños e oposición de que tomou unha decisión precipitada, Ferrero insitiu en que os veciños “situáronse fora dos cauces legais de comportamento nun pleno” e dixo que “o de onte é algo que nunca se viu nin parecido no salón de plenos».
Sobre os reproches sobre unha suposta falta de vontade negociadora do goberno do BNG, o rexedor foi taxante: “Ningún veciño pediu unha entrevista conmigo para falar sobre este asunto”. Se ben matizou que agora mesmo as propostas que pretenden trasladar os grupos políticos son “extemporáneas” e “agora mesmo non hai posibilidade de negociación ningunha”.
Ferrero Rodríguez afirmou que “en ningunha institución se permite nin cartelería nin manifestacións” e lembrou que os veciños poden canalizar as súas inquedanzas a traverso do réxime de participación cidadana.En relación co seu abandono, insistiu en que era a única saída porque “non se quixo utilizar a forza para desaloxar aos veciños” que segundo o alcalde “foron convocados por alguén con carteis en comercios e buzoneo en vivendas”.
“Non se pretendía resolver unha situación senón manifestarse no salón de plenos” apuntou o primeiro edil carballés no programa “Na Encrucillada”.Como o fixera en datas recentes no mesmo programa, Evencio Ferrero sinalou que “o servizo de lixo e altamente deficitario” e en alusión os propietarios que non queren pagar polas vivendas desocupadas deixou unha reflexión: “Se uns deixan de pagar haberá que repercutir o coste nos que xa están pagando e perxudicariase a gran maioria da poboación carballesa”.
