O voceiro do PP de Camariñas foi sustituido recentemente e recoñece que non se contou con él “absolutamente para nada”. Daniel Rego non quere polémicas aínda que mantén que as súas controvertidas manifestacións de fai meses “foron a verdade”.
“Non se contou conmigo pero a miña etapa terminou”
O actual portavoz do Partido Popular en Camariñas, Daniel Rego recoñeceu hoxe no programa Na Encrucillada que a nova dirección do partido non contou con el a hora de confeccionar a nova xunta xestora da formación nin que tampouco hai unha coordinación entre o grupo municipal e o novo equipo que dirixe o candidato Mauricio Aufiero, aínda que destacou que o fundamental é centrarse en buscar unha alternativa “grave desfeita” que está causando o PSOE en Camariñas. “Conmigo non se contou absolutamente para nada pero a miña etapa terminou”.
Daniel Rego anunciou que seguirá liderando o grupo municipal ata o fin da lexislatura,e non quixo entrar en polémica, desexando moita sorte os dirixentes que o sustituen no partido desde que asumira as rendas dos populares en 2002. Lembrou que el xa anunciara a súa decisión de non volver a presentarse.
Rego reflexiona:”As palabras están para cumprirse”
Iso si, Rego González insistiu en que as cousas non se fixeron ben desde o Partido Popular nivel provincial, e mantivo as súas críticas a polémica que se viviu meses atrás cando o edil camariñán reclamou o posto de deputado provincial, froito dun pacto que tiña coa alcaldesa de Cee, Zaira Rodríguez de repartirse o mandato entre os dous e que finalmente non se cumpriu.
“Houbo un procedemento e un acordo que non se levou a cabo pero hai seguir de frente” dixo Rego. Neste sentido, o concelleiro camariñán afirmou que só se limitou a dicir a “verdade” porque “houbo actuacións que non se fixeron ben e as palabras teñen que cumprirse” e expresou o seu desexo de que “estes actos non se volvan a repetir”.
“Temos a un auténtico irresponsable de alcalde”
O ainda portavoz municipal do PP camariñán ratificou que “está a disposición do PP” e tamén da nova xunta xestora e dos veciños do municipio e pediu aos seus sustitutos moito traballo para desbancar a un goberno socialista que leva máis de trinta anos no goberno cun alcalde irresponsable e con varias imputacións a frente do executivo:”Temos a un auténtico irresponsable de alcalde”.
“Deséxolles moitos acertos para o ben dos veciños, non para personalismos de ninguén” comentou Daniel Rego en relación a o novo equipo da xunta xestora.Pensa que hai que superar este goberno socialista de abandono de Aldea Madeira e o Museo do Alemán, de adxudicacións a dedo, imputacións e dubidosa contratación de persoal.
ESCOITA A ENTREVISTA CON DANIEL REGO-
DESDE O MINUTO 24
