A sede da Federación de empresarios da Costa da Morte, en Baio, acolleu a presentación dunha web orientada a que as empresas poidan anunciar os seus productos e ofertas aproveitando as novas tecnoloxías.
A Federación de empresarios da Costa da Morte(Fecom) presentou a web “Compra na Costa” que agrupa anuncios por palabras, cupóns de ofertas e un buscador de empresa da comarca.A iniciativa conta co apoio financiero da Xunta de Galicia e acaba de poñerse en funcionamento en www.compranacosta.com cunha campaña de publicidade nalgúns medios concretos.
O acto de presentación, no que estivo presente Adiante Galicia, o presidente da Fecom, José Gabín destacou “a necesidade dunha ferramenta coma esta “e incidiu en que a Costa da Morte ten capacidade para competir con calquera outra zona”.
Tamén interviron o tenente de alcalde de Zas, Óscar Lema Romero que valorou a importancia de internet na sociedade actual, e o tesoureiro da Fecom, Fernando Couto.
Posteriormente, o xerente da empresa que realizou o proxecto, Manuel Pan Collazo explicou as características desta web. Os seus xestores tamén realizarán”auditorias de impacto” as empresas que o soliciten.
