A dirección do Partido Popular na provincia da Coruña anunciou o nome da persoa que encabezará a súa lista electoral no concello de Corcubión. Será o ex patrón maior corcubionés, José Domínguez Buiturón, xubilado actualmente e que exerce como asesor do actual patrón maior da confraría de pescadores.
“Levamos tempo traballando para incorporar a toda a xente que queira botar unha man, que sume ao novo proxecto e que nos acheguen as ides necesarias para poder conformar unha alternativa seria e solvente” declarou Domínguez.
Está convencido de que as próximas semanas resultarán “determinantes” para poder chegar a todos os recunchos do municipio.
Convencido de que o Concello de Corcubión e os seus veciños merécense máis e mellores oportunidades en todos os ámbitos, Domínguez subliñou que tomou a decisión de dar o paso á fronte coa o intención de formar un “grupo amplo de traballo” e co obxectivo de poder ofrecer unha alternativa que xere a “ilusión necesaria” para lograr o cambio que necesita o municipio.
