8 C
Santa Comba
sábado, marzo 2, 2024

Festa da Solidariedade nos premios Boas Prácticas Cidadáns

Seis coruñeses e coruñesas resultaron galardonados este xoves no VI Premio As Boas Prácticas Cidadáns da Asociación Proxecto Máscaras.

Rafael Lema, presidente do Colectivo Exoloxista PX de Ponte do Porto e delegado provincial da Real Liga Naval Española recibiu o galardón de mans de Xosé Manuel Barros que destacou a traxectoria do premiado.

Lema agradeceu que os premios tamén miren á provincia e a unha comarca tan activa como a Costa da Morte, e incidiu na idea de que «detrás de cada premiado hai moita xente, podemos pensar que o que facemos non é importante, representa a unha zona, un barrio, ten un recorrido pequeño e local, pero non estamos sós, entre todos os presentes sumamos e deixamos pegada cara unha sociedade mellor, unha Coruña mellor».

Recordou que a potencia da cidade coruñesa ven dada «por ter detrás unha provincia forte, das punteiras do país a nivel socioeconómico e cultural» e destacou a importancia no seu sector de «manter as nosas accións no tempo, crear redes de intercambio con outros grupos, estrar presentes nos foros para que se fale de ecoloxía e patrimonio, e comunicar».

Nas nominacións destacan a implicación coa infancia e xuventude, no ámbito cultural e social, na investigación e ecoloxismo e nos programas BoanoiTe e BoaTarde. A cultura, a ecoloxía, a solidariedade e a atención dos menores, dos desfavorecidos tiveron acollida nesta cita nun auditorio cheo.

Nesta sexta edición, os premios foron para: Sara Alvar Pariente, polo seu activismo social e implicación no programa BoanoiTe, do que é presidena, premiada por Fray Natalio Saludes. Mónica Fernández Lemos, polo seu activismo social e educativo no coa infancia e a xuventude, premiada por Lorena Nión Lois.

Manuel Olveira Paz, polo seu activismo cultural e social desde a súa labor institucional, premiado por Carlota Pérez Fernández. Rafael Lema Mouzo, pola súa intensa labor como escritor, investigador e ecoloxista, premiado por Xosé Manuel Barros, desde a Asociación Mar de Fábula.

Lorena Boga García, pola súa implicación e activismo polos dereitos humanos, premiada por Leticia Santaballa Santos. Todos os premiados estiveron presentes agás a última que enviou un comunicado agradecendo a mención.

No acto tamén se viron moitas caras coñecidas da cultura, a política, a milica, a relixión, e a vida social coruñesa, o que marca o amplo expectro abarcado nos premios.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,210SuscriptoresSuscribirte

Últimos artigos