6.7 C
Santa Comba
jueves, marzo 28, 2024

Jorge Suárez:“Nós nunca imos anticipar a ideoloxía ao servizo á cidadanía»

Un goberno en minoría, moi inestable e con  moitas frontes abertas na cidade son o contexto no que desenvolve o seu traballo o equipo de Jorge Suárez que, con todo, di seguir motivado e con ilusión.

Milagros Lara

P- Cales son as prioridades do seu goberno para o concello a curto plazo?

R- Ferrol ten unha situación de emerxencia social que é notoria polas tasas de desemprego e emerxencia social, polo tanto a curto prazo o fundamental é solucionar o tema do emprego, a despoboación e as situacións de emerxencia social para as persoas con vulnerabilidade.

P- Vostede está a ter dacotío reunións cos veciños, cando fala con eles nas xuntanzas polos barrios, qué lle piden?

R- Eles demandan solucións a curto plazo que nós queremos ser sempre realistas e centrarnos no que é evidente que non se solventeu en décadas difícilmente en poucos meses vai ser solventable. O que máis se demanda nos barrios é unha proximidade do goberno, unha acción concreta onde se vexan resultados con efecto inmediato e cousas máis concretas como beirarrúas, transporte urbano, presencia da policía local e pouco a pouco penso que imos dando solución aos problemas dos barrios.

P- E cal pensa vostede que sería a forma de respostarlles desde o Concello?

R- Se por algo se caracteriza este goberno é pola proximidade a nivel persoal non cremos nos afastamentos entre o poder institucioal e os cidadáns, considerámonos xente normal e a respostas concretas sempre pasan por un parámetro qué é a dotación orzamentaria, polo tanto sempre hai que  ter en conta que cando se vai acometer unha actuación sempre terá que ter un respaldo económico polo que sempre imos dar resposta cando haxa un respaldo que sustente esa actuación.

P- Dame moito pudor preguntarlle outra vez polos orzamentos pero xa que o mencionou vostede vou facelo, rematará o seu mandato cós orzamentos do Partido Popular do 2013 prorrogados ou seguen a falar de que están rematando con eles e que os levarán ao pleno?

R- Os orzamentos son unha ferramenta indispensable, non obstante nós seguimos facendo o labor do goberno con modificativos de crédito que é unha ferramenta que substitúe transitoriamente aos orzamentos e esperamos acabalos canto antes. Aínda que non saian adiante nós seguiremos coa nosa labor de goberno e coas limitacións que teñen os modificados pero crendo que podemos ter uns orzamento municipal.

Nós cremos fundamental sacar adiante os orzamentos por varios motivos, un é o emprego público, outro o nivel de investimentos e manter o urbanismo, e negociaremos cos grupos e, se manifestan unha negativa rotunda, terán que xustificalo desde o pleno. Nós teremos unha proposta a favor da cidade. 

P- Ten unha previsión, logo no tempo para elevalos ao pleno?

R– Sí, nós cremos que no mes de xuño teremos pechado un borrador que xa foi entregado en marzo, para levalo á comisión neste mesmo mes de xuño. 

P– E qué posibilidades ten de que saian adiante? Negociou xa cos partidos da oposición? Con cales? Fixeron alegacións?

R- Non. E non fixeron ningunha alegación. E aínda que sexa xa no mes de xuño ímolo presentar. E sexa vía votación a favor sexa coa cuestión de confianza coma ocorreu noutras cidades nós temos intención de sacarllos adiante para conformar e estructurar a acción do goberno. Estou convencido que ningún grupo municipal vai dar o paso valente e se falamos no sentido inverso son todos o suficientemente cobardes para non entorpecer unha cuestión de confianza, dar un paso á fronte e tomar o goberno da cidade.

P- Vostedes están a gobernar en minoría, coa apoio de dúas concelleiras non adscritas. Ás liortas públicas co PSdG desde que rompeu a pacto de goberno engádese agora a retirada de competencias… Sestayazo?

R– Si, creo que hai unha persoaxe pública que as veces pode facer moito dano a nivel global na política municipal ou autonómica, por encima das siglas, e que se ten o empeño en derrubar ao final pode conseguilo. Nós mantemos a ilusión, a coherencia, as gañas de facer cousas pola cidade e hai outras persoas que non. Non queremos ser os adalides da pureza tamén cometemos erros dende logo pero creo que hai o “Sestayazo” que é un detonante que serve de chispa coma nesa primeira guerra mundial con Francisco José en Sarajevo para o estoupido, unha situación que incomoda, non ás forzas políticas, incomoda á cidadanía porque non ven solucións a curto prazo aos seus problemas. 

P- Qué opinión lle merece o traballo da oposición? Bloquea? Fala? Negocia?

R- En termos globais, Ciudadanos merece un recoñecemento pola súa posición coherente con todo o afastamento ideolóxico que mantemos co partido dos Ciudadanos. O Partido Popular está encabezado por unha persoeira de transición, Martina Aneiros, co que eu a nivel persoal ten todo o meu respecto, teño moi boa relación, pero creo que non está cómoda na situación de voceira do Partido Popular. Logo está Beatriz Sestayo, no Partido Socialista, eu non a considero nen sequera do Partido Socialista…

Nós gobernamos con dúas concelleiras, unha delas afiliada do PSOE que non foi expulsada e que agora co cambio que se deu a nivel estatal pode ocupar un papel relevante nesa organización. E o BNG mantén unha posición coherente cos seus postulamentos.

E nós estamos no medio desta encrucillada, cando ninguén se atreveu a dar un paso a fronte para o goberno desta cidade, aquí estamos nós para facer con alegría, con ilusión e tratar de impulsar os proxectos nos que creemos para revitalizar unha cidade que precisa de moita altura de miras e penso que dentro dos 25 nos que me inclúo eu, todos non estamos a altura das circunstancias para frear esta situación de crise sociopolítica que está a vivir esta cidade.

P- Parece moi complicado gobernar así, alcalde, e máis estando en minoría vostede traballa cómodo nesta situación? 

R- Non, non. Sería moi cínico se dixera que estou cómodo, estou pasando por unha situación moi complexa, que acarrea sufrimento persoal, para min é e para todo o equipo do goberno e por poñer un exemplo, sen desmerecer ao resto dos concelleiros que tamén levan o mesmo ou máis ca min, non é normal que un alcalde leve recursos humanos, leve patrimonio, facenda e todas estas competencias, polo tanto é unha situación moi complexa.

Nós cremos no noso proxecto. Non é cómodo seguimos loitando. Eu teño máis canas que hai dous anos pero eso vai coa aposta que fixemos e seguiremos porque cremos que é moi difícil que nunha gran cidade unha alternativa como a nosa poida volver tomar o goberno e non nos imos render.

P- Sinceramente, segue motivado, con ilusión?

R- Sí. É indubidable que día a día, as guerras de guerrillas desgastan pero hai que ter vista ao longo prazo e saber que isto é un camiño de longo percorrido. E iso é o que nos motiva e nos da ilusión e, sobre todo, ás seis mil ou sete mil persoas que respaldan a nosa iniciativa non podemos defraudalas. Moita xente párame pola rúa e di “ánimo, seguimos con vós pese ao ataque mediático e fáctico, seguimos con vós”.

P- Vostede falou moitas veces da necesidade de recuperar para o concello a xestión dos servizos municipais. Ferrol ten privatizada a xestión no saneamento, auga, lixo, alumeado e subministro eléctrico, reparación e  mantemento de viais, parques e xardíns, atención á dependencia, limpeza dos edificios, comedores… E lonxe de cambiar a situación, ao remataren os contratos seguen a facer contratacións dos servizos. Descartou xa que logo a remunicipalización? 

R- Nós temos un discurso ideolóxico que atingue ser acorde coas nosas actuacións. No saneamento nós temos unha empresa municipal que é EMAFESA que está levando a maior parte da xestión do saneamento e nas outras materias temos que ter en conta que temos un marco lexislativo estatal que impide levar a cabo ese tipo de actuacións con efecto inmediato.

Eu sempre digo o mesmo: estou a favor da remunicipalización, pero hai dous parámetros que están por encima, un é a consolidación do emprego e si remunicipalizar significa destruir o emprego nós non imos remunicipalizar e o o segundo é a eficiencia dos servizos e se imos facer un servizo máis deficiente e máis custoso para os cidadáns de Ferrol tampouco.

Polo tanto eu creo que hai que priorizar e nos casos nos que non sexa posible remunicipalizar porque non se dan esas circunstancias exercer un maior control sobre as empresas que prestan eses servizos pero tampouco hai que ter posicionamentos radicais no sentido de todo ou nada, hai unha escala de grises nos que saber onde está a política que está destiñada a facer.

P- Ao marxe do discurso formal cara a municipalización, cómo vai abordar o proceso entón?

R- Penso que hai que tomar exemplos de cidades como Valladolid ou León que conseguiron remunicipalizar servizos coma o da auga pero conseguiron tamén precarizar os salarios polo tanto o que hai que facer son estudos rigurosos, estudos serios, que non se fan nin nun mes nen en dous e deixar todo encamiñado para nun segundo mandato poder acometer todas esas actuacións. Eu recoñezo que neste mandato se non é imposible vai ser moi difícil.

Nós fixemos algunha iniciativa, cativa, como é o tema do socorrismo que o xestionamos directamente, como é a xestión da páxina web do concello, que parece unha cuestión menor pero que ten a súa importancia e tamén a fixemos directamente, e o camiño é ese, comezar con pequenas experiencias e logo abarcar os grandes contratos. O que non imos facer nunca é deixar de prestar un servizo tan importante como o lixo, como o abastecemento da auga anticipando a ideoloxía ao servizo á cidadanía.

P-Falouse moito da peatonalización do barrio da Magdalena, ven de facerse a licitación para a remodelación da praza de Armas e xa estamos coa ORE enriba da mesa. Cales son as súas previsións, poderase facer algo antes de que remate o seu mandato?

R- A praza de Armas depende dos orzamentos pero non obstante eu creo que a reflexión que hai que facer é que moitas veces hai que elevarse do que son os representantes tanto dos políticos como das entidades, elevarse por enriba de todo eso e ver o que aconteceu noutras cidades. Cada ano imos a Lugo a celebrar o san Froilán como cidades irmáns ou que pasee por Ourense, ou Santiago…

Calquera cidade peonil gaña en calidade de vida. Encerrarse en posicións pechadas non conduce a ningunha parte. Nós imos seguir adiante co noso proxecto e creo que eses case catrocentos comercios pechados no centro da cidade terían unha oportunidade se facemos unha cidade onde un neno poda xogar á pelota na rúa e pasear a xente e poidamos revitalizar ese centro que agora mesmo, calquera persoa que pase por él non digo que sexa un panorama desolador pero pode ter un impulso maior do que ten.

P- Falando de urbanismo, o Ferrol vello precisa de atención, tres anos coa rúa Carmen Curuxeiras vaiada polo peligro de caída dos edificios, a casa de Carballo Calero e outras dúas municipais tamén apuntaladas… Algún plan para mellorar o barrio?

R- Hai dificultades para facer un lugar turístico do que é ademáis a entrada da cidade e depende moito do finanzamento externo. Con esta nova, que agora teremos dez millóns de euros de finanzamento europeo, creo que temos que centrar moitos esforzos alí. Por outra banda temos o compromiso da Deputación provincial de converter o edificio de Aduanas nun albergue de peregriños que é algo moi positivo para a cidade.

Temos un proxecto para as rúas San Francisco e Espartero e creo que nestes dous anos poderemos facer cousas para revitalizar un casco histórico que é o único de Galicia que necesita dun investimento público decidido para darlle nova vida e máis cando é a entrada natural da cidade non só cando chegas pola autoestrada senon tamén os cruceiristas e agora mesmo a vista non é a máis positiva da cidade.

P- Para rematar alcalde, hai alguna cousa que lle gustaría facer e que ve difícil poder facelo? Qué espiña lle queda?

R- Hai un mantra que se repite constantemente: que eu son un activista social que non son un xestor. É un mantra que repite o PP.

P- Pero eso foi vostede quen o dixo…

R- Eu dende logo que son un activista social e non un xestor no sentido que eu non quero facer deste concello un consello de administración. Polo tanto o que sí me gustaría, sen ter nada en contra da iniciativa privada que penso que é necesaria, é que os servizos públicos foran prestados directamente polo concello. Non poder facer unha xestión directa do servizo de recollida dos residuos, do abastecemento da auga, dos servizos esenciais é frustrante.

Pero pensando en termos globais ábrese unha nova porta coa elección de Pedro Sánchez e veremos se un goberno de esquerdas modifica esa lexislación estatal que nos impiden facer eses cambios. Esa é a principal frustración que teño e a segunda é que Ferrol, encabezando a taxa de desemprego e exclusión social é algo ao que hai que poñerlle coto e estamos a traballar nese sentido.

P- Deixando ao marxe que non parece que sexa a lexislación o problema, cando noutros concellos en Galicia e do resto de España están a municipalizar, sen ir máis aló temos Arteixo… quero abondar no que deixa entrever sobre o resultado das primarias no PSOE. Pódese entender que o resultado no PSOE facilitará o goberno en Ferrol con novas alianzas entre Ferrol en Común e os socialistas?

R- Eu creo que si.Para min Beatriz Sestayo non representa a ningún PSOE, é unha persoa que pasou de facer, falando en termos adolescentes, un “grand theft auto” no Parlamento de Galicia cun garda xurado, a chegar a promover escándalo tras escándalo.

Para mín o PSOE é moito máis ca iso, para mín o PSOE nesta provincia o representa Valentín González, o presidente da Deputación, os alcaldes da comarca, persoas serias, rigorosas, con programas concretos e que teñen palabra. Ese PSOE, co que sempre mantivemos unha excelente relación, incluso co senador Ángel Mato, é o que ten que dar un paso ao fronte e facer limpeza en Ferrol e aqueles que teñen intereses espúrios que marchen a súa casa a exercer como o que queren ser. 

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,220SuscriptoresSuscribirte

Últimos artigos