O PP rexistrou no Concello de Lugo unha moción de censura que, de saír adiante, cambiará o goberno municipal co apoio dos seus doce concelleiros e da edil non adscrita María Reigosa, ex do PSdeG e voto decisivo para a maioría.
Elena Candia defendeu a iniciativa asegurando que se basea na necesidade de dar estabilidade ao Concello ante a falta de maioría do actual executivo. “A debilidade dun Goberno non pode implicar a debilidade dun concello tan importante como é o de Lugo”, afirmou, defendendo a decisión como unha resposta á situación política da cidade.
Candia agradeceu o paso de Reigosa, á que cualificou de “valente e honesta”, e negou que exista ningunha contraprestación no acordo.
Pola súa banda, María Reigosa xustificou o seu apoio á moción ao considerar que o goberno local “non é capaz de dar solucións aos problemas da cidade” e rexeitou as acusacións e insinuacións sobre posibles favores vinculados ao seu voto, asegurando que non concorrerá a unha praza convocada pola Xunta que fora mencionada nestas especulacións.
Críticas de PSOE e BNG
O alcalde, Miguel Fernández, reaccionou con dureza e acusou ao PP de “felonía”, afirmando que a iniciativa responde a intereses políticos alleos á cidade. Criticou tamén o papel de Reigosa e considerou que non existen motivos obxectivos para o cambio de goberno, defendendo que o Concello “funciona con normalidade”.
A moción chega nun contexto de forte tensión política en Lugo, onde o resultado pode derivar nun novo cambio de alcalde e na cuarta corporación distinta en apenas tres anos.
A portavoz nacional do BNG, Ana Pontón, visitou o equipo municipal para mostrar o seu apoio ante a situación que se está vivindo. A responsable nacionalista acusou directamente a Rueda de permitir «este atropelo democrático»,
