Coa tradicional sardiñada popular a localidade de Santa Mariña, na parroquia camariñana de Xaviña, iniciou os seus festexos que se prolongarán ata o sábado.
Este xoves centos de persoas participaron na cita gastronómica acompañados pola música do grupo de gaitas Vaiche Boa e a discoteca móvil CDC.
Este venres continúan as celebracións con misas as 11 e as 13. A música correrá por conta do grupo de gaitas Con todo en banda e do grupo Lume, que pola noite estará acompañado pola disco Impacto.
O sábado 19, haberá misa ás 13h, pasarrúas con Abrindo o Rejo, sesión vermú co Grupo Rubí e verbena con Rubí e un dúo sorpresa.
