“Non sei se a palabra é indignación ou indefensión pero fixeron unha auténtica barbarie”. Era a reflexión do cura Manuel Mayo Romarís ao comprobar que entraran a roubar nun templo que foi obxecto de importantes melloras e que resultou tristemente vandalizado.
“Os santiños non teñen billeteira. Se necesitan axuda que a pidan pero que non nos fagan dano” lamentaba Mayo, lembrando que fai uns días uns descoñecidos tamén entraban nas igrexas de Entrecruces e Anxeriz.
Accederon rompendo a porta de entrada e no interior causaron varios desperfectos.
A noticia provocou alarma e pesar entre a veciñanza da Agualada e da comarca, xa que o templo coristanqués conta con numerosos fieis.
