Uns trinta mil polos puideron perder a vida como consecuencia dun lume que queimou a instalación eléctrica e o illante dunha explotación avícola de Vilar de Céltigos, na parroquia de San Xoán de Grixoa en Santa Comba, segundo informaron os equipos de emerxencias.
Desde o 112 Galicia informaron que esta madrugada unha das dúas persoas que se atopaban nas instalacións explicou que estaba a arder unha nave de polos en Vilar de Céltigos.Non houbo danos persoais nin as lapas chegaron a unha vivenda e a uns depósitos de propano que estaban preto.
Contra as 6 horas, os servizos de emerxencias confirmaron que o incendio estaba controlado, e procederon coas tarefas de refrixeración da zona afectada: ardeu a instalación eléctrica por completo e os trinta mil polos desta explotación avícola.
No operativo participaron Urxencias Sanitarias de Galicia-061 de modo preventivo, os Bombeiros de Cee, os GES de Ponteceso, Brión e Noia, a Garda Civil e o Servizo Municipal de Protección Civil de Santa Comba, así coma o persoal do distrito forestal da zona.
FOTO- TVG
