O probable sucesor de Iago Toba é o independente Javier Sar Romero e confirmaba en Radio Xallas que “ata o 7 de outubro non darei a coñecer o meu goberno”.
Polo tanto as posibilidades de que teña éxito o chamamento do actual mandatario teñen nulas posibilidades de prosperar, pero son un movemento máis nesta partida de xadrez.
Días de silencio por parte de Iago Toba e agora cascada de declaracións de dirixentes socialistas e do propio rexedor.
“Se non o fan de forma inmediata, está claro que teñen cousas que agochar que poden poñer en risco a viabilidade da operación” declara Toba.
«Teñen moito que agochar»
O líder do PSOE local denuncia falta de claridade no PP, Independentes e BNG:
“Falan de transparencia pero está claro que teñen moito que agochar, os veciños e veciñas de Muxía merecen saber como será o goberno que sairá da moción, quen levará cada área ou como repartirán as dedicacións”.
Para Iago Toba ““Se non fan público o acordo, está claro que queren evitar a reacción da rúa, saben que a veciñanza non acepta a moción”.
“Estará o BNG no goberno? Que levará o PP? Haberá un grupo de goberno enmans de dous concelleiros indepedendentes? Demasiadas preguntas sen contestar, un engano a todo o Concello de Muxía”, lamenta o actual mandatario.
