A comisión de Festas de Carantoña, no concello de Vimianzo, logrou o obxectivo de contratar a Orquestra Panorama para esta parroquia vimiancesa.
“Para nós a Panorama era un reto moi grande, case imposible, pero con traballo duro todo se pode conseguir” afirman desde a comisión que engaden que todas as formación que están no cartel “merecen a pena”.
Pero había gañas de poder contar con esta gran referencia da verbena galega e española. A xira da Panorama recala este ano en Carantoña o sábado 3 de agosto.
Alí estará o septeto de vocalistas formado por Fátima Pego, María Jordán, Aroxa Ruana, Lito Garrido, Mario Álvarez, Cibrán Insua e Diego Moreira. Isto xunto con un corpo de baile con seis profesionais e dez músicos.
Churrascada, Saudade e DJ Rokiño
O xoves 1 comezaran as festas cunha churrascada desde as 20:30h, con música da orquestra Saudade e sesión de DJ Rokiño.
Fussión e Mega CDC
O venres 2 de agosto, misa na honra a Virxe do Carme (13:00h), sesión vermú co grupo Fussion e verbena con Fussion e a discoteca móbil MEGA CDC.
Eureka, Full e Panorama
E o sábado 3 misa na honra a Virxe da Xunqueira (13:00h),sesión vermú con Eureka e verbena con Eureka, a disco Full e a Orquestra Panorama.
