Para o vindeiro domingo 21 de xaneiro distintos colectivos “do sector do mar das rías de Arousa e Muros-Noia xunto con entidades ecoloxistas” convocaron unha manifestación “En Defensa do noso mar” en Santiago de Compostela. (12h Alameda-Porta Faxeira).
“Fronte a situación creada pola chegada masiva de materiais plásticos ás costas galegas e diante dos potenciais riscos para a saúde, o medio ambiente e os recursos pesqueiros, os colectivos asinantes queremos en primeiro lugar denunciar a tardanza e o desleixo das administracións en facer fronte a esta ameaza” sinalan mediante unha nota difundida pola asociación ADEGA.
Reclaman á Xunta e ao Goberno español unha mínima coordenación para facer fronte ás consecuencias desta vertedura e unha maior transparencia na información”
Piden que a Xunta publique un plano urxente cos seguintes puntos:
- Estudo interdisciplinar, independente e integral.
- Plan de rexeneración dotado economicamente.
- Regulación e publicidade do protocolo de desencoros.
- Cobertura a TODO o sector do mar mentres se manteña o cese de actividade.
- Un plano de actuación contra as verteduras ao mar e aos ríos.
- Control sanitario das importacións de marisco.
FOTO Fátima Frieiro, Diario de Arousa
