A deputada autonómica, Iria Carreira(BNG), ten a impresión de que “a lexislatura esgotarase co ano”, e ten “esa sensación polos debates que se están dando e que en moitos casos empezan a soar a despedida”.
Así o comentou nunha entrevista en Radio Xallas na que explicou as emendas do seu grupo referentes a Santa Comba, relacionadas coa necesidade de efectuar melloras no Centro de Saúde, no CEIP Barrié de la Maza ou na vía de comunicación de Santa Comba a capital de Galicia.
A deputada nacionalista tamén se referiu á problemática eólica e ó sector agrogandeiro entre outras cuestións.
Estivo acompañada polo responsable local do BNG, Juan David Sixto, que afirmou que o BNG estaba traballando e sobre o novo goberno do PSOE sinalou que “houbo cousas que se fixeron, parece que esta xente ten gañas de traballar pero non e difícil que se vexan cousas cando non se fixo nada”.
Quere agardar a ver os orzamentos e avanzou que o BNG fará o seu traballo desde a oposición, criticando a falta de actividade do PP nese campo.
Pola súa banda, Iria Carreira censurou ao goberno autonómico: ”Na Xunta de Galicia vemos un goberno que se vai acabado, vai esmorecendo, cun proxecto que peca de repetitivo e que non se centra no importante como é reforzar os servizos públicos do noso país”.
ENTREVISTA A PARTIR DO MINUTO 60
