A segunda edición da Festa da Familia “O Papaventos” organizada polo concello do Pino celébrase o 9 de setembro.
O vindeiro sábado 9 de setembro a área recreativa da Magdalena, en Castrofeito, acolle a segunda edición da festa da familia O Papaventos organizada polo Concello do Pino.
O goberno local que preside Manuel Taboada optou por repetir a actividade despois do éxito do ano pasado “co obxectivo de que pequenos e maiores compartan xogos e obradoiros así como actuacións de teatro, de maxia e de música”.
Haberá actuacións de Troula Animación (“O Show de Fifo”), do Mago Dani García, a compañía Inventi Teatro e fin de festa co grupo Mamá Cabra.A xornada incluirá espazos lúdicos no que poderán participar todas as familias.
