Falece unha persoa e outra resulta ferida tras saírse da vía ao seu paso por Carnota
Info- AXEGA 112 – FOTO- ARQUIVO
Os servicios sanitarios de urxencia derivaron ao lugar dos un helicóptero medicalizado, para trasladar, debido ao seu estado, a unha das persoas feridas e que, finalmente, faleceu durante o traslado. A outra persoa foi evacuada en ambulancia.
O vehículo saíuse da vía cando circulaba pola AC-550, quilómetro 26,5, en Santa Comba de Carnota. Así o indicaba o particular que chamou ao 112 Galicia, ás tres desta tarde, para solicitar axuda. Indicaba que no vehículo viaxaban dúas persoas maiores e que unha delas necesitaba axuda urxente.
Con estes datos, os xestores do 112 pasaron aviso ao Servizo de Urxencias Sanitarias de Galicia-061, que derivou un helicóptero medicalizado e unha ambulancia co equipo médico cara o lugar. Así mesmo, desde o 112 Galicia informouse á Garda Civil de Tráfico, aos membros do GES de Muros e aos efectivos de Protección Civil da localidade.
Unha vez no punto e tras as primeiras valoracións por parte do equipo sanitario, os membros do GES comunicaron ao 112 Galicia que unha das persoas feridas fora evacuada na aeronave e a outra nunha ambulancia.
Con todo, segundo informaron os axentes de Tráfico ao 112 Galicia, pese á evacuación inmediata na aeronave, os servicios sanitarios nada puideron facer por salvarlle a vida, posto que, faleceu durante o traslado.
