Na capital de Galicia o Partido Popular presentou os seus candidatos ás eleccións municipais, nun acto que xuntou a unha catro mil persoas e contou coa presenza do presidente naciona, Alberto Núñez Feijóo.
En representación dos 313 candidatos tomaron a palabra o candidato á alcaldía de Santiago, Borja Verea, e a candidata á alcaldía de Cambados. Tamén un dos candidatos máis veteranos, o alcalde de Xunqueira de Ambía desde hai 44 anos, José Luis Gavilanes; e a candidata máis nova, Nicole Grueira, aspirante á alcaldía de Pol.
🔵 #ENDIRECTO: @NunezFeijoo y @AlfonsoRuedaGal clausuran la presentación de candidatos a las alcaldías de Galicia. https://t.co/P6fYBTDyAk
— Partido Popular (@ppopular) February 25, 2023
“Somos o partido que máis se parece a Galicia a través dos nosos 313 candidatos e candidatas” afirmou Alfonso Rueda.
O líder dos populares galegos remarcou a necesidade de conseguir “maiorías absolutas para evitar gobernos de perdedores” porque “xa se sabe o que son os bipartitos, o que son os incumprimentos cando un ten outras prioridades que non son as dos seus veciños, o que son as divisións, as contradicións e as imposicións ideolóxicas”.
E engadiu: “As municipais hai que tomalas moi en serio porque somos un partido con responsabilidade. Son a oportunidade para seguir progresando onde xa se goberna e de mellorar nos concellos que necesitan un cambio”.
En España ya no hay un Gobierno de coalición.
— Partido Popular (@ppopular) February 25, 2023
Hay un Gobierno de colisión y los damnificados son los españoles. pic.twitter.com/pTT6BlYS1E
«E imos volver facelo»
Pola súa banda. Alberto Núñez Feijóo animou ós 313 candidatos cunha mensaxe de esperanza: “Ninguén sabe mellor ca vós que cando nos propoñemos iso, conseguímolo. E imos volver facelo neste ano Entre Todos”.
