“Coa que traio, coa que traio que non me chamen que non vou ir ao traballo”. Así se canta o novo hit de DJ Rokiño, que desta volta aliouse cun dos cantantes da Orquestra Panorama, Diego Moreira.
“Na llama” foi un éxito e así o recoñece o artista vimiancés: “Nunca pensamos que chegaría onde chegou e soaría tanto”.
Con toda ilusión e co mesmo equipo e o apoio de G Face foron gravar “Coa que traio” os Estudios Zero de Madrid.
“É un merengue electrónico. Buscamos un estilo máis verbeneiro e facendo referencia ao que nos gustan as festas en Galicia.Quedou bastante caralleira, con retranca. comentou DJ Rokiño nunha entrevista con Xosé Manuel Lema en Radio Xallas.
Tamén participou na entrevista Diego Moreira que dixo:”“Eu son unha persoa moi activa que lle gusta involucrarse en proxectos e a DJ Rokiño, un chaval tan boa xente, e tan traballador non se lle podía dicir que non”
