Arzúa acolleu o congreso constituínte do Partido Galego que reivindica “ a óptica da centralidade política baseada nun galeguismo moderado, integrador e conciliador”.
O secretario xeral da formación, Maxi Vázquez manifestou:
“Precisamos moita xenerosidade e facer unha concentración parcelaria do galeguismo do País con altura de miras, para que estean representados neste proxecto co obxectivo de ter a representación necesaria para influenciar nas políticas nos concellos, na Xunta e chegado o momento no Estado ou na Unión Europea”.
No Congreso aprobáronse sete documentos, e entre eles o referfente a tese política e á liña estratéxica. Tamén se elixiron os dous máximos órganos de dirección do partido, o Consello Nacional e a Executiva Nacional conformados por 12 persoas, entre as que están o Secretario Xeral e o Presidente.
Consello Nacional do Partido Galego
O Consello Nacional está formado por Xosé Mosquera(presidente), Maxi Vázquez Salvado (secretario xeral), e por Montse Almozara, Xesús Ares, José Antonio Díaz, Beatriz Estévez, Álvaro Filgueira (estes tamén parte da executiva nacional) e por Óscar David Casais, Xosé Antón López, José Ramón Perol, Juan Jesús Rozas, e Marcial Vázquez.
O Partido Galego ten o obxectivo de presentarse ás eleccións municipais de 2023 nas sete cidades e nos principais concellos de Galicia. Recentemente presentáronse agrupación locais en Santiago e Lugo.
