13.4 C
Santa Comba
jueves, marzo 21, 2024

Dúas persoas perderon a vida en senllos accidentes de circulación durante as últimas horas

Info- AXEGA 112 – Foto-CRTVG

Dúas persoas perderon a vida en senllos accidentes rexistrados en Pontevedra e Santiago. Segundo os datos recollidos no 112 Galicia, ambos os dous sinistros mortais producíronse entre as últimas horas do domingo e primeiras do luns como consecuencia da colisión entre dous vehículos. 

Así, en Pontevedra, un turismo bateu contra un camión que estaba estacionado na PO-542, ao paso por Marcón. A causa do impacto, o condutor do coche faleceu e mesmo foi necesaria a intervención dos bombeiros da cidade para liberar a vítima.

Pola súa banda, os axentes da Garda Civil de Tráfico confirmaron que se trataba do único ocupante do vehículo, que se espetou contra o camión e ficou encaixado debaixo.

Deste xeito, foi necesaria a intervención dos equipos de excarceración, mais os profesionais sanitarios nada puideron facer por salvar a vida do condutor.

O 112 Galicia tivo coñecemento deste accidente grazas á chamada dunha persoa particular minutos despois das dúas da madrugada. A testemuña do accidente observou como o turismo bateu contra o camión estacionado e pediu, decontado, asistencia médica para o condutor do coche.

Falece un motorista en Santiago

O outro accidente mortal rexistrouse no serán do pasado domingo na DP-0701, dentro do termo municipal de Santiago. Neste caso, unha colisión entre unha moto e un turismo acabou coa vida do motorista, tal e como confirmaron ao 112 Galicia o equipo de Urxencias Sanitarias de Galicia-061 e os voluntarios de Protección Civil que se achegaron ao lugar do accidente logo de recibir a alerta do Centro Integrado de Atención ás Emerxencias de Galicia.

Tamén neste caso, a chamada dunha persoa particular ao 112 serviu para activar un operativo no que, ademais de voluntarios e sanitarios, interviñeron os axentes da Garda Civil de Tráfico e traballadores da Deputación da Coruña para a limpeza e restablecemento das condicións de seguridade na vía. Neste senso, cómpre sinalar que os labores de asistencia obrigaron a interromper a circulación durante un tempo e establecer itinerarios alternativos.

Coche volcado en Teo

Por último, pasadas as dez da noite de onte, un coche envorcou na confluencia das autovías AG-58 e AG-59, ao paso por Teo. Malia o estado no que quedou o turismo, o condutor puido saír polos seus propios medios e recibir asistencia médica. Así, desmobilizáronse os equipos de excarceración da base do GES da Estrada e dos Bombeiros de Ordes. 

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img
spot_img
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,220SuscriptoresSuscribirte

Últimos artigos