A Deputación da Coruña puxo en marcha un programa piloto de prevención da ludopatía nos centros educativos da provincia, contando coa colaboración da asociación galega de ludópatas rehabilitados(AGALURE). A iniciativa arrancou no CPI San Vicente do concello da Baña e continuará noutros municipios da provincia como Val do Dubra, Muxía, Zas, Mazaricos ou Laxe.
O secretario de AGALURE, Gerardo Rodríguez, destacou que “a prevención é invertir para non ter que gastar no futuro en tratamentos”.No punto de mira están “todos os xogos de azar”. Tanto os presenciais, como o caso de apostas deportivas, loterías ou “rascas”, como os on-line, onde as apostas deportivas teñen especial relevancia.
Entrevista Gerardo Rodríguez- Desde minuto 30
“Ten que haber un control estrito do acceso a todo xogo, tanto privado como público” comenta Rodríguez que destaca que o 57% dos mozos que xogan o fan “para conseguir diñeiro”. Ás dependencias de AGALURE “están chegando rapaces de 18 a 20 anos con débedas importantes de 10.000 ou 20.000 euros, o que é un lastre moi grande”.
Neste programa, directivos de AGALURE explican as súas vivencias persoais.”Os rapaces quedan impactados” indican desde a asociación. Informan que na actualidade esta problemática está “tendo un repunte” pero “isto vai por rachas”. Agardan que con iniciativas coma esta a cousa vaia cambiando.
