9.6 C
Santa Comba
jueves, mayo 23, 2024

Antón Sánchez:”Hai sentenzas que dan a razón ás xentes que loitan contra o saqueo do territorio”

O portavoz nacional de Anova, está convencido que as sentenzas de Mondoñedo e da Serra do Iribio “son claras e contundentes” e demostran que a razón está ao carón das xentes que loitan contra o saqueo do territorio”.

A Antón Sánchez García parécelle un “escándalo” que a Xunta “siga aplicando as mesmas medidas e permitindo estratexias para burlar unha correcta avalización ambiental”.

Fragmentación en Campelo, Bustelo e Monte Toural e información privilexiada de Greenalia

Refírese aos proxectos  do Campelo, Bustelo e Monte Toural “onde hai unha fragmentación artificial, xa que con un único parque, con único promotor e a mesma liña de evacuación”. Pídelle a Xunta que “defenda o interese xeral e non o das empresas amigas”.

Lembrou que detrás destas iniciativas eólicas está Greenalia “onde traballa a ex-conselleira de Medio Ambiente(Beatriz Mato)” a que acusou de “favorecer a esta empresas coas súas decisións e utilizar información privilexiada para facer negocio”. Tamén citou o impacto paisaxístico que afecta o das Salgueiras, no concello de Ponteceso.Sánchez lamentou que se use a enerxía eólica “para beneficiar a uns poucos” e non “para axudar á xente e fixar poboación”.

Entrevista a Antón Sánchez desde o minuto 30

Nunha recente entrevista no programa “Na Encrucillada” de Radio Xallas falou ademais dos fondos de reconstrución e denunciou que a xestión dos mesmos “está sendo opaca, pouco transparente e a xente non está podendo nin opinar”.

Incidiu que os fondos “veñen condicionados as reformas que pagaremos todos” e que  os proxectos “estanse cociñando de costas á cidadanía” cun “comité de expertos sen representación dos traballadores”.

A queixa de Anova baséase que desde a Xunta “non fan públicos cales son os proxectos que se van a presentar e demandamos poder opinar para que se priorice a loita contra o desemprego, a sanidade, ou a agricultura sustentable”. Tamén critican a actitude “centralizadora” do goberno do estado con respecto a estas axudas económicas que marcarán o futuro do país.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,240SuscriptoresSuscribirte

Últimos artigos