O Bloque segue festexando o Día da Patria Galega como é tradición. Unha xornada que chega precedida polos estupendos resultados electorais pero tamén pola crise sanitaria que obriga a adaptar as actividades á nova situación.
Por este motivo haberá un acto político e unha manifestación en Santiago de Compostela, pero tamén en Ourense, Pontevedra, Lugo,A Coruña, Vigo e Ferrol.
As 12,45 desde as distintas cidades conectarase co acto que se desenvolverá en Compostela, e que será retransmitido por Facebook.
Segundo o secretario de comunicación nacionalista, Xavier Campos:”Concibimos o Día da Patria dunha maneira inclusiva non só da militancia do Bloque ou das persoas que se senten nacionalistas, porque este é o día da nación que compartimos e neste sentido é unha celebración dirixida a todos os galegos e a todas as galegas na súa diversidade e pluralidade, sexan ou non nacionalistas, votasen ou non polo BNG o pasado 12 de xullo. É o día que nos une o amor que temos polo noso país, para poñer en valor a nosa identidade e a vontade de garantir unha Galiza con futuro”.
Este é o calendario de actos previstos.
COMPOSTELA
12.00 horas: manifestación con saída dende a Alameda. Remate na praza da Quintana con acto político, coas intervencións de:
Iria Carreira, deputada electa.
Paulo Ríos, secretario xeral de Galiza Nova e deputado electo.
Ana Pontón, Portavoz Nacional do BNG.
A CORUÑA
12.00 horas: Acto político nos xardíns de Méndez Núñez, coas intervencións de:
Román Blanco (responsábel comarcal de Galiza Nova)
Francisco Jorquera, concelleiro na Coruña.
Daniel Pérez, deputado electo.
Mercedes Queixas, deputada electa.
FERROL
12.00 horas: Acto político no Cantón de Molíns, coas intervencións de:
Iván Rivas, concelleiro en Ferrol.
Xiana González, activista no movemento feminista.
“Mon” Fernández, deputado electo.
PONTEVEDRA
12.00 horas: Acto político no parque Rosalía de Castro, coas intervencións de:
Marta Gómez, responsábel comarcal de Galiza Nova.
Míriam Ferradáns, poeta.
Montse Prado, deputada electa.
Luís Bará, deputado electo.
VIGO
12.00 horas: Acto político na praza da Estrela, coas intervencións de:
Brais Ruanova, responsábel comarcal de Galiza Nova.
Xavier P. Igrexas, concelleiro en Vigo.
Carmela González, deputada electa.
Alexandra Fernández, deputada electa.
LUGO
12.00 horas: Acto político na praza Maior, coas intervencións de:
Iago Suárez, representante de Galiza Nova.
Rubén Arroxo, concelleiro en Lugo.
Olalla Rodil, deputada electa.
OURENSE
12.00 horas: Acto político no parque Barbaña, coas intervencións de:
Stella, representante de Galiza Nova.
Luís Seara, concelleiro en Ourense.
Noa Presas, deputada electa.
