O médico epidemiólogo, Pachi Vázquez, insiste moito en que non podemos baixar a garda contra o coronavirus.”O virus deixou de circular ao estar confinados pero volveu. Onde hai virus e contacto hai contaxio”.
Por iso afirma:“o goberno equivócase cando fala de normalidade, a situación é totalmenrte anormal”. E aínda que considera que as autoridades suavizaron as mensaxes “non podemos relaxarnos”.
Entrevista a Pachi Vázquez desde o minuto 32
“Confianza cero e medidas de autoprotección”
Pide “confianza cero e medidas de autoprotección”. Imprescindible a hixiene e a mascarilla:“O que vai pola rúa sen mascarilla é xogando á ruleta rusa e pode ter un disgusto”. Se levas mascarilla córtaselle a circulación ao virus”.
Achega un dato:”Unha de cada dúas persoas non sabe que está enferma e é un portador asintomático”. Lembra que “os brotes están sendo familiares” e polo tanto é aconsellable evitar os espazos pechados na medida do posible, xa que o Covid-19 “segue sendo moi dañino” e cómpre “facer educación sanitaria e pedagoxía, e dicir sempre a verdade”.
Pachi Vázquez recoñece que a cousa “non pinta ben”xa que de momento, polo que se coñece, o coronavirus “non está mutando para ben”. E non oculta a preocupación porque este virus sexa de «tranmisión comunitaria», o que supón un risco maior evidente.