O deputado no Congreso, Néstor Rego visitou a comarca de Soneira para manter varios encontros.
Desde a sintonía de Radio Xallas asegurou que as eleccións do vindeiro 12 de xullo son “unha oportunidade que non debemos desaproveitar para deixar atrás a década negra de Feijóo” e abrir unha nova etapa “cun goberno liderado por unha persoa seria, rigurosa e coa determinación política para sacar as cousas adiante como Ana Pontón”.
Con respecto á visita, Rego escoitou en Camelle as demandas das confrarías de Camelle e Camariñas e a marxe de “cuestións concretas” quedou reflectida a “limitación para poder pescar” da flota galega e que os repartos de cota para a sardiña e a xarda que “se fixeron en Madrid” prexudicaron a Galicia.
Fortalecer a sanidade
Tamén se entrevistou co colectivo Enfermeiras Eventuais en Loita. Lembrou que pandemia “puxo en evidencia que é necesario fortalecer a sanidade publica destinando máis recursos e máis persoal».E ademais en Vimianzo, mantivo unha xuntanza con representantes da plataforma que reclama a mellora da vía que enlace Bamiro(Vimianzo) e tamén se interesou pola necesaria conexión da autovía co Polígono.
Néstor Rego pensa que recolleu «demandas xustas» e que a chave está «nun goberno coas mans libres que non dependa do que lle figan en Madrid»
