Audio coa entrevista a Beatriz Pino-Ciudadanos
A candidata de Ciudadanos, Beatriz Pino, pediu unha oportunidade aos electores, para poder promover “un cambio laranxa” e estar no goberno da Xunta, para achegar “modernidade e capacidade de diálogo e consenso”.
Para Pino “un goberno de esquerdas sería o peor escenario posible para Galicia”. Lembrou o bipartido de PsdeG e BNG que deixou “arcas saqueadas e desgoberno”·
A responsabilidade de Ciudadanos
Pediu que o vindeiro domingo 12 de xullo se “vote sen medo” e asegurou ter “sensacións positivas” porque “a xente transmítenos confianza”.
Puxo en valor a actuación de Ciudadanos durante a crise sanitaria:”Apoiamos as prórrogas do Estado de Alarma por responsabilidade e para conseguir cousas boas mentras PP e BNG estaban de brazos cruzados”.
Acabar coa fenda dixital no mundo rural
Tamén defendeu a necesidade de “acabar coa fenda dixital” e axudas para os emprendendores no medio rural. “Somos o partido dos autónomos e das familias” engadiu a candidata, que ten claro que “a clase media non pode volver a pagar os pratos rotos dunha crise”.
Beatriz Pino comentou que se entra no goberno da Xunta gustaríalle que a primeira foto fora de tódolos grupos políticos reunidos para artellar medidas para a reconstrucción económica de Galicia.