Queren despolitizar a educación e que “os libros de historia sexan imparciais e se vexa que o comunismo é igual de nocivo que o nazismo”.
“Sentido común” é o lema do Partido Libertario (P-LIB) que se presenta pola provincia coruñesa. E para o seu candidato Antonio Ramos Alonso “non é de sentido común ter que pagar por traballar. Hai que eliminar a cota de autónomos”.
Menos impostos
Esa é unha das propostas deste partido que tamén defende un máximo dun 10% para o IVE, IRPF e do imposto de sociedades ou a eliminación do imposto de sucesións.
“Confiamos na responsabilidade do individuo e queremos darlle liberdade tanto económica como moral, como de culto, que cadaquén intente seguir o seu camiño en busca da felicidade sen facerlle dano a ningún outro” declara o candidato.
Menos poder ao estado
Un partido de “mente aberta” que conta con distintos referentes polo mundo entre eles o congresista norteamericano Justin Amash. Unha das ideas básicas é “restarlle o máximo poder posible ao estado e darllo ao cidadán”.
Antonio Ramos comenta:”Queremonos parecer a Suiza ou Irlanda que a Venezuela ou Cuba”.Representan “unha alternativa real anti-estatalista” que quere “menos poder para o goberno central de Madrid e máis para a comunidade galega.”. E incluso “trasladar competencias ás comarcas e os concellos”.
Despolitizar a RAG
Os libertarios queren acceso universal á sanidade e a educación privada, transparencia total dos gastos da administración, e despolitizar a educación e que “os libros de historia sexan imparciais e se vexa o comunismo como e igual de nocivo que o nazismo. O fascismo é de dereitas e de esquerdas”.
E tamén propoñen despolitizar a Academia da Lingua “que sexa independente, goberne quen goberne” e que haxa un galego normativo e non “un galego que e parece máis ao portugués”.
