O candidato do Partido Popular de Galicia, Alberto Núñez Feijóo, ofreceu no inicio da campaña un pacto aos galegos baseado en “certezas, confianza e xestión”.
A elección é “entre un multipartito ou un goberno” e entre “un experimento ou a experiencia”. Pediu unha participación masiva e advertiu contra a relaxación:”Non deixedes que nadie decida por vós. Nada está feito”.
Feijóo afirmou que non ía a prometer cousas imposibles pero si “comprométome a facer todo o posible” e anunciou que durante a campaña electoral “non vou a perder un segundo en confrontacións, toda a campaña imos a facer propostas. Galicia é moito máis que un choque de bloques”.
Na súa primeira intervención desta carreira electoral declarou:“Non me presento para derrotar a ninguén senón para que Galicia saía gañando”.
Pensa que son moitos os retos que ten Galicia:”A fórmula é traballar, non hai tempo de learse en divisións”. Falou da necesidade de protexer ás familias e dixo que o Partido Popular tiña un proxecto “comprobado, auditado e que funciona”. Por iso solicitou o apoio dos galegos.
