Co bandeira galega e a europea, en Bonaval presentouse a Marea Galeguista, a marca electoral de En Marea (cunhas trinta mareas municipalistas), Compromiso por Galicia e o Partido Galeguista, para as vindeiras eleccións autonómicas.
Segundo os seus promotores a Marea Galeguista “é o resultante da vontade de unir forzas nun proxecto nacional, galego, aberto e inclusivo que poida canalizar politicamente a vontade cidadá de empregar as institucións para mellorar as condicións de vida da cidadanía”.
No acto de presentación participaron o deputado Pancho Casal e María Chao, de En Marea, Juan Carlos Piñeiro Docampo(secretario xeral) e Milagros Corral, en representación de Compromiso por Galicia e Manuel Suárez e Francisco López “Chesqui”, presidente e secretario do Partido Galeguista.
No acordo, de vinte puntos, explican que “a necesaria reconstrución de Galicia debe facerse respectando a nosa realidade social e cultural, baseada nas capacidades do país, pero considerando tamén o marco global no que se vai desenvolver e as condicións de partida. As limitacións na dispoñibilidade enerxética, o desemprego e a precarización das condicións laborais, a toma de conciencia da desigualdade de xénero, unha mudanza climática que altera recursos e riscos nas nosas comarcas e os compromisos adquiridos na redución de emisións, obrígannos a procurar un rexurdimento económico netamente diferente do que nos trouxo a esta situación”.
Segundo o mesmo documento «A necesaria reconstrución de Galicia debe facerse respectando a nosa realidade social e cultural, baseada nas capacidades do país, pero considerando tamén o marco global no que se vai desenvolver e as condicións de partida. As limitacións na dispoñibilidade enerxética, o desemprego e a precarización das condicións laborais, a toma de conciencia da desigualdade de xénero, unha mudanza climática que altera recursos e riscos nas nosas comarcas e os compromisos adquiridos na redución de emisións, obrígannos a procurar un rexurdimento económico netamente diferente do que nos trouxo a esta situación.
