Compromiso por Galicia segue perdendo músculo. Despois da renuncia de seis membros da executiva agora hai que sumar as catorce baixas no Consello Nacional, o que supón preto da metade dos cargos deste órgano.
Fai uns días dimitían da executiva Óscar Casais, Maxi Vázquez, Eva Rosende, Xabier Vázquez , Suso Ares e Paula Rey. Tamén deixan os seus cargos no Consello Nacional.
E á lista de desercións hai que sumar ao do único alcalde que conservaba a formación, David Barbeira, rexedor de Santa Comba que marcha xunto con Cristina Barcia Barcia, Yaiza Carreira Cabana, Oscar Pena NietoXabier Pintos Pena, Lucía Torres Vigo, Xabier Fontaíña Falque e Valentina J. Montiel Velásquez.
Os dimisionarios lamentan a perda de activos e de notoriedade política, pasando de ter 500 militantes a coller «todos en tres autobuses».
.jpg)
Acusan a Piñeiro Docampo de actuar como un tirano
Lembran que os resultados das eleccións municipais puxeron de manifesto que había un problema na dirección, e que despois do III Congreso entrou xente nova:»Estas novas incorporacións son as que deixan os cargos pois non están dispostos a estar para comulgar co que diga o Sr. Piñeiro e ser simples espectadores da política cunha estratexia interna de parálise».
E é o secretario xeral, Juan Carlos Piñeiro Docampo, o obxecto das críticas: «Non podemos seguir nun partido dirixido por un tirano que obra de forma ditatorial e contra o que se está abrindo unha investigación xudicial por xestións financeiras é contables fraudulentas e que cando alguén trata de dicirlle algo actúa coma un coronel militar expulsando a calquera afiliado/a” .
Aclaran que estas dimisións non teñen nada que ver coas negociacións con En Marea e co Partido Galeguista: “Piñeiro fai o que quere e como quere, nin consulta nin informa, evita os debates abertos e libres nos órganos de dirección, e actúa sen consensos, dirixe o partido como un mando único baseado no seu posto de Secretario Xeral”.
