8.1 C
Santa Comba
miércoles, noviembre 30, 2022

Un incendio derrúe por completo unha casa abandonada en Outes

Unha casa deshabitada situada na Avenida de Sabardes, no concello coruñés de Outes  ardeu por completo sen que, polo momento, se coñezan as causas que orixinaron as lapas.

Tratouse dunha casa de planta  baixa cuxo teito era de madeira e  da que unicamente se salvaron as catro  paredes. Así o indicaron os Bombeiros de Boiro tras dar por rematadas as tarefas de extinción. Ademais, confirmaron que, afortunadamente, as lapas non afectaron a outra casa lindeira e que si estaba habitada. O que si se viu afectado foi o cabreado do exterior do inmoble afectado quedando descolgado sobre a beirarrúa e entre a maleza da finca do carón. Por iso, desde o 112 Galicia informouse decontado ao persoal da compañía eléctrica que abastece a zona.

O Centro Integrado de Atención ás Emerxencias (CIAE) 112 Galicia tivo constancia do incendio ao fío das 05:00 horas desta madrugada. Foron varios particulares os que chamaron, a esa hora, ao 112 Galicia para pedir axuda. Aseguraban que ardía unha casa deshabitada no Freixo de Sabardes pero que non había persoas afectadas.

Con estes datos, os xestores do 112 puxeron en alerta aos Bombeiros de Boiro e aos membros do GES de Muros, que decontado se desprazaron ata o punto.  Do mesmo xeito, informaron da situación á Garda Civil, Policía Local e aos efectivos de Protección Civil da localidade.

Info-AXEGA 112

FOTO-GES MUROS

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
505SuscriptoresSuscribirte

Últimos artigos