Óscar David Casais Montemuiño é o candidato galeguista á presidencia da Xunta de Galicia.
Compromiso por Galicia presentou candidaturas nas catro provincias que están lideradas por María Pilar Barreira Limia(Ourense), Juan Carlos Piñeiro Docampo(Lugo), Estela Rodríguez Mosquera(Pontevedra) e Óscar David Casais Montemuiño(A Coruña).
Unha campaña para ofrecer solucións aos galegos e galegas
Casais é o aspirante á presidencia da Xunta. Este veciño do concello de Ribeira, declarou:“Recibo o encargo do Consello Nacional, coa ilusión e gañas de traballar co que me sumei no seu día a Compromiso por Galicia. O proxecto que mellor reflexa a realidade da sociedade galega. Faremos unha campaña digna centrada en ofrecer solucións aos problemas dos galegos e galegas”.
Compromiso por Galicia non renuncia a seguir traballando
Pola súa banda, o secretario xeral de CxG, Juan Carlos Piñeiro Docampo manifestou:“CxG viña propondo unha liña de unidade de acción no eido das forzas galegas dende po 28A do 2019. Non puido ser, En Marea desfíxose politicamente e o BNG decidiu falar soamente coa súa esquerda, unha esquerda rupturista. Nese escenario CxG non renuncia a seguir traballando dende a base de que o noso proxecto non se asenta en botar a ninguén, senón en que Galicia avance”.
Pola provincia coruñesa, ocupa o segundo posto Montse Almozara Cordeiro, de Santa Comba, o único concello cun alcalde de Compromiso por Galicia. Seguen Francisco Manuel Lago Iglesias(3), Raquel Pillado Rey(4) e Javier Pintos Pena(5).Do concello de Santa Comba tamén forma parte da candidatura Ana Lucía Barcia Barcia(6).
