A viceportavoz do Partido Popular no Parlamento de Galicia ve “factible e viable” a consecución dunha nova maioría absoluta, pero ten claro que “hai que traballar moito” para conquerir o obxectivo.
“Imos pedir a confianza dos galegos para seguir traballando e mellorando Galicia fronte o discurso apocalíptico da oposición” declarou.
Estabilidade política en Galicia
Paula Prado puxo en valor que “Galicia é unha comunidade que goza de estabilidade política, con orzamentos que se aproban no seu momento cada ano, e que foron crecendo, na sanidade, na educacion, nos servizos sociais, e coa redución de impostos”.
A deputada popular sinala que “hai cousas que mudar, hai marxe de mellora pero non podemos obviar que, por exemplo, oito de cada dez euros do orzamento van para sanidade”.
Escoita a entrevista con Paula Prado en Radio Xallas a partir do minuto 29
“Non hai profesionais de pediatría”
Neste senso, referiuse a críticas pola atención pediátrica en distintos concellos.”Non ha profesionais da pediatría, non é un problema exclusivamente galego.Solicitamos ao estado que nos deixaran formar a sete pediatras máis pero dixeron que non”. Suliñou que as “prazas están cubertas” pero que hai un problema cando hai substitucións ou vacacións “pero non é que non haxa vontade política”.
Paula Prado: «O goberno de Pedro Sánchez está maltratando a Galicia”
Sobre o goberno de Pedro Sánchez é contundente:”O estado está maltratando a Galicia. Hai varias nubes negras no horizonte”. Citou o estatuto das electrointensivas, a modificación da Lei de Costas ou o “compromiso cero” do goberno co Xacobeo 2021.
“Gonzalo Caballero carece de toda credibilidade”
Nunha entrevista no programa radiofónico “Na Encrucillada” tamén tivo palabras críticas para o líder do PSdeG, Gonzalo Caballero:“Caballero carece de toda credibilidade. Non apoia reivindicacións xustas como a a devolución dos 370 millóns de euros que nos deben”.
Prado del Río aludiu ao BNG “instalado na radicalidade e no independentismo” nunha sociedade galega distinta:“As galegas e os galegos son xente moderada. Eu non escoito á xente falar de independencia na rúa”.
Ou PP ou multipartito
Polo tanto a elección, para ella, é clara:”Hai duas opcións para elexir, o Partido Popular ou un multipartido coas Mareas de Podemos, o BNG e o PSOE.A xente valora a seriedade, a estabilidade e o rigor do PP frente a unha amalgama de partidos” engadiu Paula Prado.
