O aspirante do PSdeG á presidencia da Xunta de Galicia, Gonzalo Caballero, está convencido de que “se hai mobilización o cambio político vai a ser imparable” tendo claro que “En Galicia só pode haber cambio, se o PSOE lidera a maioría progresista”.
Audio entrevista a Gonzalo Caballero – PSdeG
Unha campaña electoral durísima
Para Caballero “o PP vai a xogar ao límite, vai a ser unha campaña durísima”,pero “o 62% dos galegos quere un cambio de goberno e os socialistas somos o motor dese cambio”.
O obxectivo e abrir un novo tempo despois “da lexislatura con menos actividade da historia da autonomía.A do abandono do rural e dos servizos públicos”.
Cun presidente liderando “un proxecto agónico” nun fin de ciclo. “Feijóo non ten palabra , minte de forma continua. Dixo que non había razóns para un adianto electoral e adiantou as eleccions seis meses” manifestou Caballero.
“Nin fixo política económica, nin industrial, só política de marketing” precisou o secretario xeral do PSdeG, situando no lado oposto ao goberno do estado:”Levamos catro semanas e subimos as pensións e os temas importantes para Galicia estánse encarrilando”.
Prezo do leite e peaxe da AP-9
Gonzalo Caballero comprométese a dar solucións ao sector da sanidade a tamén pensa que é factible que haxa un prezo mínimo para o sector lácteo “e o goberno central está traballando nesa liña”.
Referiuse ademais “a peaxe inasumible da AP-9”cun goberno central que “vai mudar unha situación histórica”.
Modificación Lei de Costas
Por último, negou que o goberno estatal promova unha modificación da Lei de Costas que alteraría a situación das concesións no dominio marítimo – terrestre.
“Hai unha campaña de intoxicación do Partido Popular, de mentiras burdas e enganos. O PP de forma impresentable tenta xerar incertezas no sector cunha campaña de confusión” manifestou.
