O voceiro de En Marea pensa que a xestión do PP en Galicia é ”nefasta” e “catastrófica” e que se caracteriza pola perda de poboación activa, a desestruturación do sector agrario e os baixo prezos do leite, o peche de escolas unitarias, a sanidade pública “desarticulada” ou porque “a xente moza seguiu marchando”.
“Exiliados económicos”
Diante da falta de pediatras, rebate a mensaxe da Xunta:”Non hai profesionais porque fixéronse políticas que os mandaron á emigración”, e os converteu “en exiliados económicos fuxindo da precariedade de Núñez Feijóo”.
Entrevista de Villares en Radio Xallas desde o minuto 30 deste audio
Indecente o prezo do leite
Luis Villares considera “indecente” que Galicia produza o 40% do leite e “garantice o abastecemento lácteo” e perciba os prezos máis baixos.
Recriminou a despreocupación do goberno do estado e da Xunta e anunciou que o seu grupo levará ao Parlamento de Galicia unha proposta de imposto para as grandes superficies para “evitar a súa proliferación e que non fagan este tipo de prácticas”, que perxudican aos gandeiros.
Bebidas azucaradas
Outra das iniciativas de En Marea (rexeitada) foi a de cargar impositivamente as bebidas azucaradas ante “o impacto negativo na saúde”, como favorecedor da diabete, caries, colesterol ou “ao longo prazo problemas cardíacos”.
Pensa que “cunha política fiscal que disuadise o consumo abusivo” poderíase reducir un 15% o consumo destas bebidas.”Todo eran ventaxas pero o PP votou en contra”, lamentou Villares.
O líder de En Marea tamén lembrou outra proposta que foi aceptada e que vai a permitir a baixada do ive dos produtos de hixiene íntima.
