Entrevista Luís Villares “Na Encrucillada”. A partir do minuto 30
Para Luís Villares, o grande erro do espazo de En Marea foi “non saber entender o encargo que tiñamos, de renunciar ás particularidades a favor dun proxecto más amplo”.
Nunha entrevista no programa “Na Encrucillada” de Radio Xallas sostivo que “Podemos decidiu poñerse por libre en toda España e acabouse coa confluencia. Non poidemos evitalo. Foi unha pena”.
De tódolos xeitos non renuncia a seguir construíndo “un proxecto serio e responsable, no espazo progresista de Galicia” e asentado no feminismo, o medio ambiente e a xustiza social “cunha idea de país aberta e inclusiva”.
«Unha concentración parcelaria electoral»
Villares reitera a súa “vontade de diálogo” e incluso pensa que é “bo que haxa unha certa concentración parcelaria electoral”.
Con respecto ao “pacto a tres de PSOE, Podemos e BNG” asegura que “ten cousas boas e malas” pero garantiza que estarán vixiantes:“En Marea vai denunciar calquera incumprimento que haxa, temos as mans libres e non estamos atados a ningún pacto de goberno”.
Lembra que votaron en contra “duns orzamentos lesivos” pactados por PSOE e Podemos:”Somos incorruptibles aos nosos principios. A única forza libre de ataduras”.
