16.9 C
Santa Comba
domingo, julio 14, 2024

Antón Sánchez:“Imos rematar con dez anos de goberno negro de Feijóo”

O portavoz nacional de Anova e do Grupo Común da Esquerda criticou a xestión do PP na Xunta:“O goberno de Feijóo está facendo moito dano ao país”.

Escoita a entrevista a partir do minuto 18 deste audio

Xestión do xabaril:“Non controlan as cuestións básicas”

Antón Sánchez lamentou a “falta dun modelo para o medio rural ou as agresións á sanidade pública”, por parte dun goberno instalado no caos:“O do xabaril é unha mostra de que non controlan as cuestións máis básicas”.

Nunha entrevista no programa radiofónico “Na Encrucillada” de Radio Xallas, expresou o seu convencemento de que “imos rematar con dez anos de goberno negro de Feijóo”.

Proxectos mineiros e eólicos

Un executivo que “traballa contra a xente e a favor das empresas”. Sánchez puxo como exemplo os proxectos mineiros e éolicos. E referiuse o da mina de Touro que “a mobilización das xentes conseguiu paralizar”.

Insistiu que son “actividades que unha vez rematan deixan as zonas hipotecadas” e pediu que “os beneficios repercutan na xente e os impactos se minimicen”. 

Tamén citou as problemáticas éolicas de Santa Comba, Coristanco, Laxe ou Corme.“O futuro deste país pasa por potenciar sectores como o lácteo” engadiu.

Unidade da esquerda en Galicia

Antón Sánchez ten claro que “ten que haber entendemento dentro da esquerda para derrotar a Feijóo”, e confirmou que Anova estará nas eleccións autonómicas aínda que “Apostamos por unha fórmula de unidade o máis ampla posible, é a única maneira de disputarlle a hexemonía aos grandes partidos”.

Pronunciouse en Radio Xallas sobre un dos temas de moda, a débeda do ive:“Son cartos que nos corresponden. Non hai excusa posible para que eses cartos non veñan”.Defendeu esgotar a “vía política” antes que a xudicial.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,270SuscriptoresSuscribirte

Últimos artigos