Audio coa entrevista a Isabel Vilalba, a partir do minuto 29
A secretaria xeral do Sindicato Labrego Galego, Isabel Vilalba, emprazou as administración a «non seguir facendo o mesmo» ante os «danos moi importantes» que está causando o xabaril que están «comprometendo a rendibilidade das granxas».
Segundo a dirixente agraria «non se trata de facer anuncios» e cómpre impulsar unha redución do número de animais «xa que falamos dunha poboación de moitos exemplares» que «están levantando superficies moi grandes de terreo» sendo as medidas adoptadas «insuficientes» e supoñendo tamén un problema de sanidade animal.Aparte de medidas concretas débese «cubrir a totalidade dos danos».
Incerteza cos prezos do leite
Nunha entrevista no programa «Na Encrucillada» de Radio Xallas, lamentou a «incerteza» que existe con respecto aos prezos do leite que se «marcan de arriba para abaixo» o que é «unha anomalía» que se mantén no tempo.
«Ten que haber unha lei da cadea que permita unha renda digna» declarou Isabel Vilalba, que demandou a posta en marcha dun plan de apoio ao sector lácteo que garantice «unha marxe adecuada» de beneficio para as explotacións.
Outras das cuestións prioritarias para o S.L.G. é a da base territorial.»É moi necesario protexer a terra agraria e ter unha base territorial dunha maneira áxil» sentenciou a súa portavoz.
