Os orzamentos xerais do Estado presentados polo executivo de Pedro Sánchez provocaron críticas e rexeitamento en Galicia, a excepción do PSOE, que defende o carácter social dos mesmos e asegura que supoñen un aumento de 207 millóns de euros sobre o orzamento vixente.
Para o goberno galego representan unha baixada do 18% con 163 millóns de euros menos e son unhas contas “irreais” e que discriminan a Galicia. Destacan a baixada global dos investimentos do Ministerio de Fomento e a subida de impostos como o do diésel que repercute directamente nun millón de condutores de Galicia.
O deputado do Partido Popular, Celso Delgado, non ocultou a súa decepción coas contas: “Estes presupostos castigan gravemente os intereses de Galicia, pasamos de ter un investimento co Goberno presidido por Mariano Rajoy de máis do 9% non 2018 ao 6,22% do investimento territorializado, o máis baixo dous últimos anos. Sen embargo, Cataluña pasa do 13 a un 17% de investimento”.
A deputada de En Marea, Yolanda Díaz tachou as contas de “decepcionantes” e «inadmisibles» e denuncia os incumprimentos do goberno en materia de emprego e seguridade social.
Para a portavoz nacional do BNG, Ana Pontón, os orzamentos “pactados polo PSOE e Podemos máis En Marea” supoñen unha
“labazada na cara de Galiza”.
Tamén se mostrou crítica a portavoz de Cidadáns, Olga Louzao, a través das redes sociais: “Menos mal que o goberno de Pedro Sánchez faría posible que Galicia xa non fose unha comunidade de segunda. Desexando escoitar as explicacións dos dirixentes galegos socialistas”.Outra voz crítica é a de Compromiso por Galicia que cualifica as contas como “ unha agresión a Galicia”.
